İsrail o mövqedən çıxış edir ki, Fələstin dövlətinin olmas mümkün deyil.

Bunu İsrail müdafiə naziri İsrael Katz X sosial media səhifəsindən bəyan edib.

“İsrailin siyasəti aydındır: Fələstin dövləti yaradılmayacaq. İsrali Müdafiə Ordusu Hermon dağında və təhlükəsizlik zonasında qalmaqda iddialıdır”- deyə, o yazıb.

Katzın sözlərinə görə, Qəzza zolağı “son tunelə qədər” silahsızlaşdırılacaq, HƏMAS qrupu “sarı tərəfdə” ya İsrail ordusu, ya da beynəlxalq sülhməramlı qüvvələr tərəfindən tərksilah ediləcək.

ERAmedia xatırladır ki, Qəzza zolağında İsrail ilə Fələstinin HƏMAS hərəkatı arasında atəşkəs sazişi 2025-ci il oktyabrın 10-da qüvvəyə minib.

Hər iki tərəf atəşkəsə riayət etmək öhdəliyini üzərinə götürüb.