3 milyon abunəçisi, ay ərzində on milyonlarla tamaşaçısı olan “NEXTA Live” iki gündə ikinci dəfədir ki, sabiq AMEA prezidentinin ağlagəlməz əməllərinin ifşası barədə reportaj təqdim edir və həmin reportajda hörmətli Əli Həsənov Mehdiyevlə, amma xüsusilə iri planda verilir. Süjeti izləyəndə məşhur “Mimino” filmində aktyor Arçil Qomiaşvilinin oynadığı Nuqzar Papiaşvilinin məhkəmə iştirakçılarına xitabən sözlərini xatırlayıram: “Moskvada Baqrationi adına metrostansiya var”- deyə, Papiaşvili emosional şəkildə sözə başlayır: “Onun yanından keçəndə gözümdən yaş gəlir. İndi müttəhimlər kürsüsünə baxanda da göz yaşlarımı güclə saxlayıram. Birinci qürur göz yaşlarıdırsa, ikincisi utanc göz yaşlarıdır. Burada utanıram ki, mən də gürcüyəm”). Adlarını çəkə bilmədiyim həmyerlilərimdən hörmətli sabiq nazirimiz, həmçinin sabiq millət vəkilimiz olan iki nəfərin sözü yadıma düşür. Ha istəyirəm deməyim, amma bacarmıram: “Azərbaycanın çörəyi üçünüzün də gözünüzdən gəlsin, Ramiz Mehdiyev!”