Naxçıvanda ayı insanlara hücum edib, bir sakinə ciddi xəsarətlər yetirib.

ERAmedia xəbər verir ki, hadisə Babək rayonu Yuxarı Buzqov kəndində qeydə alınıb. Belə ki, kənddə ayı Payız kənd sakini, 1974-cü il təvəllüdlü Məmmədov Məzahir Tağı oğlu və onun oğlunun üzərinə hücum edib.

Yırtıcı heyvanın hücumu nəticəsində M.Məmmədov müxtəlif bədən xəsarətləri alıb və o, Naxçıvan Muxtar Respublika Xəstəxanasının travmatologiya şöbəsinə yerləşdirilib.