17 yaşadək güləşçilər arasında 2026-cı il dünya çempionatı Bakıda keçiriləcək.

ERAmedia xəbər verir ki, bu barədə qərar Dünya Güləş Birliyinin (UWW) İcraiyyə Komitəsinin iclasında qəbul edilib. Sofiya (Bolqarıstan), İsgəndəriyyə (Misir), Amman (İordaniya) və Brasovun (Rumıniya) da namizəd olduğu yarışın təşkilatçılığı Bakıya həvalə edilib.

Dünyanın ən güclü yeniyetmə güləşçiləri gələn il 27 iyul – 2 avqustda Milli Gimnastika Arenasında müəyyənləşəcək. Qeyd edək ki, analoji yarış 2012-ci ildə də Bakıda keçirilib.