Yeni televizorun alındığı ilk gün ailə üçün əsl bayrama çevrilərdi.

ERAmedia xəbər verir ki, o vaxt cəmi bir neçə telekanal olsa da, tamaşaçıların səbirsizliklə gözlədiyi sevimli verilişlər, proqramlar və filmlər vardı.

Televizorun evə gətirilməsi xüsusilə uşaqlar üçün böyük hadisə sayılırdı. Ailə üzvləri yeni cihazın ətrafına toplaşaraq onun ilk dəfə işə salınmasını həyəcanla gözləyirdilər.

Bu gün çoxsaylı televiziya kanalları, internet platformaları və rəqəmsal xidmətlər həyatımızın ayrılmaz hissəsinə çevrilib. Lakin bir vaxtlar televizorun evə gəlməsi bütün ailəni bir araya gətirən, yaddaşlarda xoş iz buraxan xüsusi hadisə idi.

Fotoda da həmin dövrün ab-havası əks olunur. Yeni televizorun sevincini yaşayan ailə və qonşular, ekran qarşısında keçirilən unudulmaz günlər həmin dövrü yaşayanlar üçün nostalji hisslər yaradır.

Mələk Onur