Bu gün müasir tariximizin ən əlamətdar günlərindən biridir - ELNUR ALLAHVERDİYEV
32 il əvvəl Azərbaycan Dövlətçiliyinin Yeni Mərhələsi başladı. Bu, Ümummilli Lider Heydər Əliyevin Hakimiyyətə Qayıdışı il baş tutdu. 3 oktyabr 1993-cü il Heydər Əliyev milyonlarla insanın istəyi ilə hakimiyyətə gəldi…
Bununla bağlı tanınmış ictimai-siyasi xadim Elnur Allahverdiyev fikirlərini ERAmedia ilə bölüşüb.
“Bu gün müasir tariximizin ən əlamətdar günlərindən biridir. 1993-cü il oktyabrın 3-də Ulu Öndər Heydər Əliyev ilk dəfə müstəqil Azərbaycanın Prezidenti seçildi. Ümummilli Liderin müdrikliyi, dəmir iradəsi, böyük cəsarəti və yorulmaz fəaliyyəti sayəsində Azərbaycan ən ağır sınaqlardan çıxaraq öz dövlətçiliyini qorudu və möhkəmləndirdi. Ulu Öndərin formalaşdırdığı dövlətçilik məktəbi yalnız idarəçilik prinsiplərini deyil, həm də milli ideologiyanın, strateji planlaşdırmanın və beynəlxalq siyasətdə uğurlu manevrlərin əsaslarını əhatə edirdi. Bu fundamental yanaşma Azərbaycanın dayanıqlı inkişafının, bugünkü uğurlarımızın və qələbələrimizin təməlini qoydu.”
