ERAmedia xəbər verir ki, bu münasibətlə Naxçıvan Şəhər İcra Hakimiyyətinin başçısı Cabbar Musayev qəhrəman şəhidlərimiz – Ələsgər Əsgərovun və Nihat Seyidovun ailələrini ziyarət edib.

Görüşlərdə qəhrəman şəhidlərin əziz xatirəsi ehtiramla yad edilib, barələrində xoş təəssüratlar danışılıb. Şəhər İcra Hakimiyyətinin başçısı görüşlər zamanı bildirib ki, dövlətimizin məqsədi yalnız qəhrəman şəhidlərimizin xatirəsini uca tutmaq deyil, həm də onların ailəsinin sosial rifahını daim yüksək səviyyədə təmin etməkdir. Şəhid ailələrinin mənəvi dəstəklə təmin olunması, gündəlik həyatının yaxşılaşdırılması və onlara göstərilən diqqətin davamlı xarakter daşıması hər zaman prioritet məsələlərdən biridir.

Həmçinin qeyd edib ki, Azərbaycanın ərazi bütövlüyü uğrunda canlarından keçən şəhidlərin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək hər birimizin vətəndaşlıq borcudur.