ERAmedia xəbər verir ki, görüşdə tərəflər şəhərlərarası və təhsil sahəsində əməkdaşlığın genişləndirilməsi istiqamətində fikir mübadiləsi aparıblar. İcra Hakimiyyətinin başçısı bildirib ki, şəhər və regionların inkişafı, mədəniyyət, turizm, texnologiya və elm sahələrində qarşılıqlı faydalı layihələrin həyata keçirilməsi planlaşdırılır. Mer Klaudia Szemereyné Pataki isə belə əməkdaşlıqların hər iki tərəf üçün faydalı olduğunu, gənclərin mübadiləsi, təhsil və mədəniyyət sahələrində yenilikçi təşəbbüslərin dəstəklənməsinin vacibliyini vurğulayıb.

Təhsil sahəsində vacib yenilik kimi ötən il Naxçıvan Dövlət Universiteti ilə Macarıstanın John von Neumann Universiteti arasında kompüter mühəndisliyi ixtisası üzrə ingilis dilində bakalavr pilləsində ikili diplom müqaviləsi imzalanması qeyd olunub.