Dövlət İmtahan Mərkəzi (DİM) magistraturaya qəbul imtahanının ikinci cəhdinin yekun nəticələrini açıqlayıb.

Qapalı və kodlaşdırıla bilən açıq tipli tapşırıqlar üzrə nəticələr mayın 20-də açıqlanmışdı. Bu gün isə xarici dil fənləri üzrə esse tapşırıqlarının nəticələri də daxil olmaqla yekun imtahan balı təqdim olunub.

ERAmedia xəbər verir ki, AzEdu.az yekun nəticələrdən sonra ölkə birincisi olan bakalavrın adını dəqiqləşdirib. Cəmilə Yusifova essedən 5 alaraq, ümumilikdə 98.5 bal toplayıb.

BANM-in İnformasiya təhlükəsizliyi ixtisasına qəbul olunan Cəmilə Prezident təqaüdünə layiq görülən tələbədir.

Gələcəkdə təhsilini öz ixtisası üzrə davam etdirməyi və xaricdə magistratura təhsili almağı hədəfləyir.

Qeyd edək ki, Cəmilə Yusifova magistraturaya qəbul imtahanının ikinci cəhdində test mərhələsində 93,5 bal toplayaraq respublika birincisi olub.