Sumqayıt şəhərinin Hacı Zeynalabdin qəsəbəsində pilot yaşıllıq zonasının yaradılması məqsədilə ağacəkmə aksiyası təşkil olunub.

 ERAmedia xəbər verir ki , Ekologiya və Təbii Sərvətlər Nazirliyinin Dövlət Ekoloji Ekspertiza Agentliyinin təşəbbüsü, Sumqayıt şəhər Yaşıllaşdırma İdarəsi və “KM Group” tikinti şirkətinin təşkilatçılığı ilə keçirilən aksiya zamanı ərazidə yerli iqlim şəraitinə uyğun 200-dən çox küknar və şam tingi əkilib.

“Şəhərsalma və Memarlıq İli” çərçivəsində həyata keçirilən pilot yaşıllıq zonalarının yaradılması şəhər ərazilərində yaşıllıqların artırılmasına, ekoloji tarazlığın qorunmasına və tikinti layihələrinin ətraf mühitə təsirlərinin azaldılmasına yönəlib.