Ermənistan parlamentinin sədri Alen Simonyanın rəhbərlik etdiyi nümayəndə heyəti Türkiyənin İstanbul şəhərinə səfər edəcək.

ERAmedia Ermənistan mətbuatına istinadən xəbər verir ki, səfərin məqsədi Parlamentlərarası İttifaqın 152-ci sessiyasında iştirak etməkdir.

Məlumata görə, səfər 16–19 aprel tarixlərini əhatə edəcək.

Nümayəndə heyətinin tərkibinə Ermənistan parlamentinin Xarici əlaqələr üzrə daimi komissiyasının sədri Sarkis Xandanyan, Maliyyə-kredit və büdcə məsələləri üzrə daimi komissiyanın sədri Tsovinar Vardanyan, həmçinin hakim “Vətəndaş Müqaviləsi” partiyasından deputat Asmık Akopyan daxildir.

Vüsalə