Türkiyənin “Fənərbağça” idman klubunda keçirilən növbədənkənar ümumi qurultayda klubun yeni rəhbəri seçilib.

ERAmedia Haber Global”a istinadən xəbər verir ki, seçkinin nəticələrinə əsasən, Sadettin Saran “sarı-lacivərdli” klubunun yeni prezidenti seçilib. 24 800 üzvdən 12 331 səs toplayan Saran “Fənərbağça”nın 38-ci prezidenti olub. Sabiq klub rəhbəri Ali Koç isə qatıldığı dördüncü seçkidə 12 114 səslə vəzifəsini itirib.

Məğlubiyyətə baxmayaraq, o rəqibini təbrik edib və uğurlar arzulayıb. Koç bildirib ki, artıq düşmənləri içəridə deyil, kənarda axtarmaq zamanıdır.