Yaxın Şərqdə və cənub dəniz marşrutlarında yaşanan münaqişələr Bakı Limanının fəaliyyətinə də təsirsiz ötüşmür.

ERAmedia xəbər ki, bunu Modern.az-a Bakı Limanının direktoru Eldar Salahov bildirib.

“Əlbəttə ki, regionda baş verən geoiqtisadi vəziyyət və toqquşmalar Bakı Limanının fəaliyyətinə təsir göstərir. Nəzərdə tutulmayan yük axınları meydana gələ bilər. Bu gün həmin yüklərin və ümumiyyətlə, Orta Dəhliz üzrə artan yük həcminin qarşılanması məqsədilə Bakı Limanı tərəfindən genişmiqyaslı tədbirlər həyata keçirilir”,- deyə o bildirib.

E.Salahov qeyd edib ki, artan yük axınını vaxtında və səmərəli idarə etmək üçün texniki bazanın gücləndirilməsi davam etdirilir:

“Yeni yükaşırma avadanlıqlarının, lokomotivlərin, kranların, konteyner və çəngəlli yükləyicilərin alınması istiqamətində işlər sürətlə aparılır. Lakin biz anlayırıq ki, məsələ yalnız texniki imkanların artırılması ilə bitmir. Eyni zamanda əməliyyat səmərəliliyinin yüksəldilməsi, əlaqələndirmə və rəqəmsal məlumat mübadiləsinin təkmilləşdirilməsi istiqamətində də mühüm addımlar atılır. Bakı Limanı bu cür artan yük axınlarını qəbul etməyə tam hazırdır”.