Hüquqi Ekspertiza və Qanunvericilik Təşəbbüsləri Mərkəzi “şöbə müdiri”, “baş mütəxəssis” və “aparıcı mütəxəssis” vəzifələri üzrə işə qəbul üçün müsabiqə elan edib.

ERAmedia-ya bu barədə Mərkəzdən məlumat verilib.

Namizədlərə dair tələblər aşağıdakılardır:

• Hüquqşünaslıq (beynəlxalq hüquq) ixtisası üzrə bakalavr dərəcəsi;

• Hüquq sahəsində azı 3 il iş təcrübəsi;

• Ən azı bir xarici dil biliyi.

Əlavə üstünlüklər:

• Normayaratma fəaliyyəti sahəsində iş təcrübəsi;

• Magistr və ona bərabər ali hüquq təhsili.

Müsabiqənin şərtləri:

Müraciət edənlər arasından elan olunmuş vəzifələrə daha uyğun gələn namizədlər müsabiqəyə dəvət olunacaqlar. Müsabiqə iki mərhələdən – yazılı imtahan və müsahibədən ibarət olacaq. Yazılı imtahan sualları test və kazus formasında tərtib ediləcək.

Test sualları aşağıdakı normativ hüquqi aktları əhatə edəcək:

– Konstitusiya;

– “Normativ hüquqi aktlar haqqında” Konstitusiya Qanunu;

– Mülki Məcəllə;

– Mülki Prosessual Məcəllə;

– Cinayət Məcəlləsi;

– Cinayət Prosessual Məcəllə;

– Əmək Məcəlləsi;

– İnzibati Xətalar Məcəlləsi;

– İnzibati Prosessual Məcəllə;

– “İnzibati icraat haqqında” Qanun;

– “Vətəndaşların müraciətləri haqqında” Qanun.

Kazus sualları cinayət və mülki qanunvericilik üzrə tərtib ediləcək.

Maraqlanan namizədlər öz CV-lərini [email protected] elektron poçt ünvanına göndərə bilərlər. CV-lər göndərilərkən iddia edilən vəzifənin adı emailin “Mövzu” hissəsində qeyd edilməlidir.

Müraciət üçün son tarix oktyabrın 20-dir.