Madaqaskar Prezidenti Andri Radzuelina Fransaya məxsus hərbi təyyarədə ölkəsindən təxliyə olunub.

ERAmedia  xəbər verir ki, bu barədə məlumatı RFI radiostansiyası yayıb.

Bildirilir ki, Radzuelina bir gün əvvəl helikopterlə Madaqaskarın şərq sahilindəki Sent-Mari adasına gəlib, daha sonra təyyarə ilə Hind okeanında Fransanın Reyunyon adasına gedib, oradan isə ailəsi ilə birlikdə Mavrikiyə və ya BƏƏ-yə uçub.

RFI-ın məlumatına görə, prezidentin təxliyəsi Madaqaskarda hakimiyyətin dinc yolla keçidini təmin etmək üçün Fransa lideri Emmanuel Makron tərəfindən təşkil edilib.