Milli 3×3 basketbol yığması Qadın Seriyasının finalında
Azərbaycanın 3×3 basketbol yığması Qadın Seriyasında 2025-ci il mövsümünün final mərhələsində iştirak edəcək.
Basketbol Federasiyasından ERAmedia -ya verilən məlumata görə, həlledici mərhələ sentyabrın 13–14-də Çinin Şanxay şəhərində keçiriləcək.
Final mərhələsində mövsümün reytinq xallarına əsasən, ən yaxşı nəticə göstərmiş yeddi komanda ilə yanaşı, ev sahibi Çin yığması da mübarizə aparacaq.