Moldova Prezidenti Maya Sandu tərəfindən qurulan Fəaliyyət və Həmrəylik Partiyası parlament seçkisində səslərin 38,5 faizini, Sosialist Partiyası ətrafında formalaşan Vətənpərvərlik Bloku isə 33,6 faiz səs toplayıb.

ERAmedia xəbər verir ki, bu rəqəmlər Mərkəzi Seçki Komissiyası tərəfindən bülletenlərin 20%-i işləndikdən sonra açıqlanıb. Məlumata görə, parlament seçkisi baş tutmuş hesab olunub. Seçkidə 1 milyon 596 min 530 seçici səs verib ki, bu da siyahılarda olanların təqribən 52 faizini təşkil edir. Moldova qanunvericiliyinə görə, seçicilərin 33 faizi iştirak etdikdə seçki baş tutmuş sayılır.