ERAmedia xəbər verir ki, ziyarət zamanı şəhidlərin əziz xatirəsi ehtiramla anılıb, ailə üzvləri ilə səmimi söhbətlər aparılıb, onların qayğı və problemləri dinlənilib. Cabbar Musayev vurğulayıb ki, şəhidlərimizin qəhrəmanlığı xalqımız üçün qürur mənbəyidir və onların ailələrinə göstərilən diqqət və qayğı hər zaman dövlətin diqqət mərkəzində olacaq.

Şəhid ailələrinə şəhidlərin qəhrəmanlıqla şəhid olduqları məkanları əks etdirən fotolar təqdim olunub, bu anlar dərin qürur və fəxr hissi ilə qarşılanıb. Ailələr göstərilən diqqət və qayğıya görə dövlət rəhbərliyinə və Naxçıvan Şəhər İcra Hakimiyyətinə minnətdarlıqlarını bildiriblər.

Sonda şəhid ailələri ilə birlikdə xatirə şəkli çəkdirilib.

Ziyarətdə İcra Hakimiyyəti başçısının müavini Gülxanım Orucova və şöbə müdiri İsmayıl Gülməmmədov da iştirak ediblər.