ERAmedia xəbər verir ki, Naxçıvan Dövlət Universitetin rektoru Elbrus İsayev bildirib ki, İnnovasiya və Rəqəmsal İnkişaf Agentliyinin dəstəyi ilə yaradılan mərkəzdə 5 laboratoriya, 2 kompüter sinfi, 2 kovörkinq otağı, akt zalı və server otağı yaradılıb.

Qeyd olunub ki, bu imkanlardan yararlanmaqla müasir texnoloji həllər hazırlanır və sınaqdan keçirilir. Bu məqsədlə müasir Aparat və Proqram Təminatı Laboratoriyası, ideyaların prototiplərə və praktik layihələrə çevrilməsi istiqamətində Texnologiya və Mühəndislik Laboratoriyası fəaliyyət göstərir. İnnovatorlar, tələbələr və elmi yeniliklərlə maraqlanan hər kəs  mərkəzin imkanlarından istifadə edə bilər.

Səlahiyyətli nümayəndə Ceyhun Cəlilov və rəqəmsal inkişaf və nəqliyyat naziri Rəşad Nəbiyev mərkəzdə keçirilən praktiki dərslərlə maraqlanıb, tələbələrin fikirlərini dinləyiblər.