Dekabrın 2-si Qarabağ müharibəsini işıqlandırmaq üçün Azərbaycana gələn, döyüşdə yaralanan, İslamı qəbul edən latviyalı jurnalist Tatyana Çaladzenin (1959-2017) anım günüdür.

ERAmedia xəbər verir ki, Latviyada anadan olmuş və böyümüş Tatyana Çaladze vaxtilə “Baltiyskoe vremya”, “Atmoda” və “Latviyas layks” qəzetlərində işləyib.

1992-ci ilin sonlarında Qarabağ müharibəsini işıqlandırmaq üçün Azərbaycana gəlib. Döyüşlərin gedişində iştirak edib, qəlpə yarası alıb.

O, Ermənistan-Azərbaycan münaqişəsi, eləcə də Azərbaycan və Ermənistan tarixi haqqında bir çox məqalələrin müəllifidir.

Azərbaycan Prezidentinin sərəncamı ilə 21 iyul 2010-cu ildə Tatyana Çaladzeyə Əməkdar jurnalist adı verilib.

Qeyd edək ki, Tatyana Çaladzde İslam dinini qəbul etmişdi.

Vural