Meksika dağ xizəyi komandasının üzvləri Sara Şleper və Lasse Xaxiola eyni Qış Olimpiya Oyunlarında yarışan ilk ana və oğul kimi tarixə düşüblər.

ERAmedia xəbər verir ki, bu barədə beynəlxalq KİV-lər məlumat yayıb.

Fevralın 16-da 18 yaşlı Xaxiola slalom yarışında çıxış edib, lakin ikinci cəhddə məsafəni uğurla başa vura bilməyib. Daha əvvəl – fevralın 12-də 46 yaşlı Şleper İtaliyada keçirilən supergiqant yarışında 1 dəqiqə 31,37 saniyə nəticə göstərərək 26-cı yeri tutub.

Qeyd edək ki, Sara Şleper daha əvvəl yeddi Qış Olimpiya Oyunlarında iştirak edən ilk dağ xizəkçisi kimi də tarixə düşüb.