…Atalı-analı günlərimiz idi. Atam kolxoz sədri olsa da sadə və təmtəraqsız şəraitdə yaşıyırdıq. Evimizin ən əziz qonaqları kəndin qayğıya ehtiyacı olan insanları idi. Təmtəraqlı heç nəyimiz yox idi.

…Valideyn tövsiyələri, nəsihətləri qəlbimizə hakim oldu. İnsanları sevib, onlara qayğılı olmağı öyrəndik.

…Yaş üstə yaş gəlsə də, qəlbimdə bir ruh, bir rövnəq, bir yaşam, qurub-yaratmaq duyğusu var. Nə yaxşı bu belədir. Keçdiyim həyat yolu, dövlətimdən aldığım ilham, cənab Prezidentimiz İlham Əliyevin müvafiq sərəncamları ilə müəllim kimi layiq görüldüyüm Azərbaycan Respublikasının Əməkdar müəllimi fəxri adı, yazıçı-publisist kimi Prezident mükafatı, mətbuat insanı kimi “Azərbaycan milli mətbuatın 150 illiyi”(1875-2025) Azərbaycan Respublikasının yubiley müdalı ən böyük şərəfimdir. Təhsilimizin, ədəbiyyatımızın, mədəniyyətimizin inkişafına verdiyim töhfələr, yazdığım kitablar (“Qarabağ düşüncəsi”, “Bir nəslin dörd fəsli”, “Ana fəryadı”, ” Şərqin bülblü”, ” Gecikmiş məktub”, “Məktəbin fəaliyyətinin planlaşdırılması təcrübəsi”-metodik vəsait), əməyimə verilən mükafatlar- “Turan birliyi” və ” Vətənpərvərlik işinə görə” medalları, ” Yunus Emre”, Beynəlxalq Rəsil Rza və “Qızıl qələm” mükafatları ömür kitabımın ən gözəl naxışlarıdır.

Bütün bunlar bir yana.Hər kəs məni Azərbaycan gəncliyinin dostu, yolgöstərəni kimi tanıyıb, dəyərləndirir. Bu misyadan şərəf duyuram.Sağlam gənclik gələcəyimizdir. Ona görə də hər bir sağlam əqidə-amallı gənci övlad kimi dəyərləndirib, sevirəm.

 

Səxavət TAĞLAR,

Azərbaycan Respublikasının Əməkdar müəllimi, Prezident mükafatçısı.