Azərbaycanın görkəmli şairi Səməd Vurğunun ov zamanı çəkilmiş nadir fotosu diqqət çəkib.

ERAmedia xəbər verir ki, 1954-cü ilə aid olan fotoda Səməd Vurğun ov geyimində, əlində tüfənglə meşəlik ərazidə görüntülənib. Foto şairin vəfatından iki il əvvəl çəkilib.

Kadrlarda Səməd Vurğunun klassik geyimdə və başında şlyapa ilə olduğu görünür. Şairin üzərində kostyum, belində isə ov üçün istifadə olunan patron kəməri diqqət çəkir.

1954-cü ildə çəkilən bu foto Səməd Vurğunun həyatının son illərinə aid maraqlı görüntülərdən biri kimi təqdim olunur. Azərbaycanın ədəbiyyat tarixində mühüm yer tutan şair 27 may 1956-cı ildə, 50 yaşında vəfat edib.

Foto Səməd Vurğunun yalnız ədəbi fəaliyyəti deyil, gündəlik həyatından və maraqlarından da müəyyən təsəvvür yaradan tarixi kadr kimi maraq doğurur.

Vüsalə