Sosial şəbəkələrdə və arxiv materiallarında Azərbaycan ədəbiyyatının görkəmli nümayəndəsi Səməd Vurğunun ailəsinə aid nadir bir foto yayılıb.

ERAmedia xəbər verir ki, kadrda onun övladları musiqi ilə məşğul olan anlarda əks olunub. Məlumata görə, skripkada ifa edən Yusif, piano arxasında isə Vaqif yer alır. Ailənin kiçik üzvü Aybəniz isə qardaşlarını diqqətlə izləyərək onların məşqini seyr edir.

Bu görüntü həm ailə mühitində sənətə verilən önəmi, həm də musiqinin onların həyatında tutduğu xüsusi yeri əks etdirir. Foto fotoqraf Məcid Rəşadətoğlu tərəfindən çəkilib və bu gün də arxiv dəyəri daşıyan nadir kadrlar sırasında göstərilir.

Mütəxəssislərin fikrincə, bu tip ailə fotoları yalnız şəxsi xatirə deyil, eyni zamanda dövrün mədəni mühitini və sənət ənənələrini də əks etdirən vacib tarixi sənədlər hesab olunur.

Sözügedən foto hazırda sosial mediada maraqla qarşılanır və istifadəçilər tərəfindən “mədəni irsin canlı şahidi” kimi qiymətləndirilir.

Vüsalə