Onlarla alim və ekspert qida sənayesini prioritetləri təhrif etməkdə və “renta­bel­li­yi hər şeydən önə çəkməkdə” günahlandırıb.

ERAmedia xəbər verir ki, yeni hesabatın müəllifləri nüfuzlu qida şirkətlərini “qərarvermə prosesini təhrif etmək, siyasi müzakirələri öz maraqları istiqamətində formalaşdırmaq və elmi şübhə görüntüsü yaratmaq üçün koordinasiyalı səylər göstərməkdə” ittiham edirlər.

The Lancet-də yazan müəlliflər qeyd edir ki, şirkətlərin gücü sürətlə artır, amma “ictimai səhiyyənin beynəlxalq səviyyədə reaksiyası hələ kifayət qədər formalaşmayıb və tütünə qarşı mübarizənin ilk illərinə bənzəyir”.