Zəfərin 5-ci ildönümünə həsr olunmuş xatirə
Bu məhsul xalqımızın tarixinə qızıl hərflərlə yazılmış Zəfərin ildönümünə həsr olunmuşdur.
Üzərində dalğalanan üçrəngli bayraq xalqımızın azadlıq ruhunu, 8 Noyabr tarixi isə yaddaşımızda əbədi həkk olunmuş Qələbənin günəş kimi doğmasını xatırladır.
ERAmedia xəbər verir ki, latundan hazırlanmış məhsulun digər üzündə təsvir edilən “Zəfər Memorial Kompleksi”torpaqlarımızın azadlığını, şəhidlərimizin əziz xatirəsini və millətimizin sarsılmaz iradəsini əks etdirən möhtəşəm bir simvoldur.
Beş il öncə qazanılan bu böyük Qələbə necə ki, tariximizin ən uca zirvəsinə yazıldısa, bu məhsul da həmin Zəfərin əbədi yaddaşını gələcək nəsillərə daşıyacaq.
