NASA yarım əsrlik fasilədən sonra yenidən Aya ekspedisiya göndərəcək.

ERAmedia xəbər verir ki, 1968-ci ildə “Apollo 8” missiyası ilə qazanılan tarixi uğurdan sonra agentlik 2026-cı ilin əvvəllərində “Artemis 2” missiyasını həyata keçirməyi planlaşdırır.

Bildirilib ki, bu missiya insanların 1972-ci ildən bəri Ayın yaxınlığına ilk uçuşu olacaq. 10 gün davam edəcək səyahətdə 4 astronavt iştirak edəcək. Onlar “Integrity” kosmik gəmisi vasitəsilə Aya doğru istiqamət alacaqlar.

Qeyd edək ki, “Artemis 2” missiyasının əsas məqsədi dərin kosmos şəraitində bütün həyati sistemləri real vaxt rejimində sınaqdan keçirməkdir.