Trampın “ən yaxın adamları” kimi Rusiya-Ukrayna arasında “sülh danışıqlarında” ABŞ-ı təmsil edən Stiv Uitkof və Cared Kuşner Kiyevin Donbasdan imtina etməyə razılaşmasında israrlıdırlar.

ERAmedia “Bild” nəşrinə istinadən bildirir ki, Ukrayna prezidenti Volodimir Zelenski üçün bu, “qırmızı xətt” olaraq qalır.

Moskva öz növbəsində Berlində danışıqlar başlamazdan əvvəl Ukraynanın NATO üzvlüyündən imtina etmədiyi təqdirdə sülh razılaşmalarının əldə olunmayacağını açıq şəkildə bildirib. Kremlin sözçüsü Dmitri Peskov Ukraynanın neytral statusunu mümkün sülh razılaşmasının “təməl daşlarından biri” və “xüsusi müzakirə” mövzusu adlandırıb.

Berlində Kiyevin bəzi təkliflərinin dialoq üçün əsas yarada biləcəyinə dair əlamətlər var. Məsələn, Almaniyanın xarici işlər naziri Yohan Vadeful Zelenskinin “Deutschlandfunk” məsələsində NATO-dan imtina etmək istəyi ilə bağlı açıqlamalarına münasibət bildirib: “Əgər bunlar Ukraynanın təklifləridirsə, onda Rusiya bu mövqeyi qəbul edə bilər. Biz isə Ukraynanın mümkün olan ən yaxşı danışıqlar mövqeyinə çatmasını təmin etmək üçün əlimizdən gələni edəcəyik”.

Ural Dəyirmançı