Rusiya Federasiyasının İvanovo bölgəsində “An-22” hərbi nəqliyyat təyyarəsi qəzaya uğrayıb. Təyyarə Furmanovski rayonunda, İvankovo ​​kəndi yaxınlığındakı Uvodkovskoye su anbarına düşüb.

ERAmedia xəbər verir ki, məlumatı “Shot” yayıb.

İnformasiya portalı bildirib ki, heyət üzvləri son məqamda təyyarəni yaşayış binalarından uzaqlaşdırıblar.

“An-22” hissələrə ayrılıb.

Qəzanın səbəbləri barədə hələlik rəsmi məlumat yoxdur.

Xatırladaq ki, qoşun və texnikanın uzaq məsafələrə daşınması üçün nəzərdə tutulan “An-22” dünyanın ən böyük turbovintli təyyarəsidir.

TASS-ın məlumatına görə, yeddi heyət üzvünün olduğu təyyarə təmirdən sonra adi sınaq uçuşu keçirib.

Mənbəyə görə, “An-22” təyyarə heyətinin həlak olduğu ehtimal olunur. Xilasedicilər pilotları və ya onların cəsədlərini axtarırlar. İndiyə qədər yalnız təyyarənin qalıqları qəza yerinin yaxınlığındakı su anbarında tapılıb.

Ekipajla son əlaqə saat 11-də olub. Rusiya Müdafiə Nazirliyi təyyarə qəzası ilə bağlı şərh verib.

Nazirlik əlavə edib ki, hadisə yerinə axtarış-xilasetmə qrupu və Aerokosmik Qüvvələr komissiyası göndərilib.

Ural Dəyirmançı