ABŞ prezidenti Donald Trampın bu gün axşam saatlarında İranla bağlı müharibə haqqında “vacib xəbərlər” vermək üçün xalqa müraciət edəcək.

ERAmedia bildiri ki, Ağ Evin mətbuat katibi Karolayn Livitt sosial şəbəkələrdə bu barədə məlumat versə də, Trampın çıxışının detalları açıqlanmayıb. NBC News-in məlumatına görə, müraciət Şərq vaxtı ilə saat 21:00-a planlaşdırılıb.

Tramp bu gün səhər NBC News-a telefon müsahibəsində bildirib ki, “işlər çox yaxşı gedir” və münaqişə “sona yaxınlaşır”. O, daha sonra jurnalistlərə açıqlamasında ABŞ-ın yaxın iki-üç həftə ərzində İrandan çıxacağını gözlədiyini deyib. Tramp əlavə edib ki, müharibənin başa çatması üçün İranın ABŞ-la mütləq razılaşma əldə etməsi vacib deyil.

Buna baxmayaraq, bir gün əvvəl Tramp ABŞ ilə İran arasında danışıqlar aparıldığını və müəyyən irəliləyiş əldə olunduğunu bildirmişdi. Eyni zamanda o, atəşkəs razılaşması əldə olunmasa və Hörmüz boğazı yenidən açılmasa, İran infrastrukturuna qarşı təhdidlər səsləndirib. İran isə ABŞ-la heç bir danışıqlar aparmadığını bəyan edib.

Müharibə artıq ikinci ayına daxil olub. Əməliyyatın gedişindən xəbərdar olan amerikalı rəsminin sözlərinə görə, fevralın 28-dən başlayan ABŞ-İsrail zərbələri nəticəsində 13 ABŞ hərbçisi həlak olub, təxminən 350 nəfər isə yaralanıb.

Bu ay NBC News xəbər verib ki, Trampa dəfələrlə müharibədən geri çəkilmək təklif edilsə də, o, bütün bu çağırışları rədd edib. ABŞ-da istehlakçılar da münaqişənin iqtisadi təsirlərini hiss edir. İranın qlobal neftin beşdə birinin keçdiyi Hörmüz boğazını bağlamaqda davam etməsi səbəbindən benzinin orta qiyməti çərşənbə axşamı bir qallon üçün 4 dolları keçərək 2022-ci ildən bəri ən yüksək səviyyəyə çatıb.

ABŞ vətəndaşları yüksək enerji qiymətlərindən narazılıq ifadə edir, rəy sorğuları isə seçicilərin Trampın iqtisadiyyatı idarə etməsindən məmnun olmadığını göstərir. Trampın sonuncu dəfə belə bir əsas vaxt çıxışı ötən ilin dekabrında olub və o zaman iqtisadi nailiyyətlərini müdafiə etmişdi.

Vüsalə