Qadın futbolçulardan ibarət Azərbaycan milli komandası dünya çempionatının seçmə mərhələsində son oyununu keçirib.

ERAmedia xəbər verir ki, C Liqasının 3-cü qrupunda yer alan kollektiv səfərdə Şimali Makedoniya yığması ilə qarşılaşıb.

Bitola şəhərində yerləşən “Petar Miloşevski” stadionunda təşkil olunan görüş millinin 3:1 hesablı qələbəsi ilə yekunlaşıb.

Qrupda Macarıstan 16 xalla birinci, Azərbaycan 12 xalla ikincidir.