Hindistanın Qucarat əyalətində yerləşən Surat şəhərində fəaliyyət göstərən tanınmış zərgərlik ustası Rajesh Mehta ehtiyacı olan ailələrə dəstək məqsədilə diqqətçəkən yardım kampaniyası başladıb.

ERAmedia xəbər verir ki, kampaniyanın mərkəzi Suratın əsas ticarət bölgələrindən biri olan Ring Road üzərində yerləşən Mehta Jewels mağazası olacaq. Səhər saatlarından etibarən aparılacaq paylamalar zamanı əvvəlcədən müəyyən edilən aztəminatlı ailələr və sosial yardım təşkilatlarının yönləndirdiyi vətəndaşlara qızıl veriləcəyi açıqlanıb.

“Cəmiyyət mənə çox şey qazandırıb. Bu sərvətin bir hissəsini ehtiyacı olanlarla bölüşməyin doğru olduğuna inanıram. Xüsusilə təhsil, sağlamlıq və əsas ehtiyaclarını qarşılamaqda çətinlik çəkən ailələrə dəstək olmaq istəyirik”, – deyə o bildirib.

Mehtanın açıqlamasından sonra mağazanın qarşısında uzun növbələr yaranıb. Yerli hakimiyyət orqanları izdihamı nəzarətdə saxlamaq üçün ərazidə əlavə təhlükəsizlik tədbirləri görüb.

Hindistanda qızıl həm investisiya vasitəsi, həm də mədəni baxımdan mühüm dəyər hesab olunur. Bu səbəbdən kampaniya qısa zamanda sosial mediada geniş rezonans doğurub. Bəzi istifadəçilər təşəbbüsü nümunəvi həmrəylik addımı kimi qiymətləndirib, digərləri isə müraciətlərin şəffaf şəkildə həyata keçirilməsinin vacibliyini vurğulayıb.

Məlumata görə, paylamalar növbəti yeddi gün ərzində hər gün müəyyən edilmiş saatlarda davam edəcək.

Əli Fərhad