Müasir dünyamızda hər şey sürətlə dəyişir. İnsanlar çox vaxt bir addım atmazdan əvvəl “Mənə nə xeyri olacaq?” deyə düşünürlər. Addımların mənfəətlə ölçüldüyü bu dövrdə, sadəcə qəlbinin səsinə qulaq asaraq yaşayan, ətrafına işıq saçan insanlar sanki yer üzünün gizli xəzinələridir. Onlar etdikləri yaxşılıqları böyük şüarlarla yox, səssizcə, daxildən gələn bir ali insanlıq borcu ilə edirlər. Bu gün sizə məhz belə bir səssiz qəhrəmandan – varlığı ilə dünyamızı gözəlləşdirən çox xüsusi bir insan – Qafar Cəfər oğlu Hüseynovdan bəhs etmək istəyirəm.

Onun ən böyük xüsusiyyəti mərdliyidir. Mərdlik onun üçün sadəcə bir söz deyil, bir həyat tərzidir. Çətinə düşən, köməyə ehtiyacı olan hər kəs bilir ki, bu dünyada onun dərdini öz dərdi biləcək, ona təmənnasız əl uzadacaq bir insan var. O, yaxşılıq edərkən heç vaxt qarşılıq gözləməzdi. Sağ əlin verdiyini sol ələ bildirməyən, etdiyi köməyi heç kimin qarşısına qaxmayan, tərif və alqış axtarmayan bir mənəviyyat sahibidir. Onun üçün insanlara əl tutmaq, kiminsə üzündə kiçik bir təbəssüm yaratmaq həyatın ən böyük qayəsidir.

O, bəşəriyyətin hələ də gözəl olduğuna dair hamımıza bir ümid verərdi. Ətrafındakı insanlar onun yanında özlərini güvəndə, arxalı-dayaqlı hiss edirdilər. Çünki onun varlığı, fırtınalı bir dənizdə sığınılacaq ən sakit liman kimidir.

Dünyanı böyük kəşflər, böyük bəyanatlar bəlkə də dəyişir, amma dünyanı yaşanası edən məhz Qafar Hüseynov kimi səssiz qəhrəmanların təmiz qəlbidir. Etdiyiniz hər qarşılıqsız yaxşılıq, toxunduğunuz hər insan taleyi Sizin bu dünyadakı ən gözəl izinizdir. Biz Sizin bu mərdliyinizlə, böyük ürəyinizlə qürur duyuruq. Yaxşı ki varsınız və yaxşı ki, dünyamızı öz xeyirxahlığınızla işıqlandırırsınız!

Tahsin Mücdahidzade