Sumqayıtda yol-nəqliyyat hadisəsi baş verib.

ERAmedia xəbər verir ki, hadisə şəhərin Üzeyir Hacıbəyli küçəsində baş verib.

Belə ki, idarəetmədən çıxan “Chevrolet” markalı 50-EH-656 minik avtomobili yoldan keçən piyadaları vurub, daha sonra səkiyə çırpılıb.

Qəza nəticəsində üç nəfər xəsarət alaraq, təcili tibbi yardım briqadalarının köməyi ilə xəstəxanaya çatdırılıblar.

Toqquşmadan sonra avtomobildə yanğın baş verib. Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları cəlb olunub.

Hadisə ilə bağlı araşdırma aparılır.