“Fars körfəzi regionunda qüvvədə olan atəşkəs son dərəcə kövrəkdir və yenidən genişmiqyaslı münaqişəyə çevrilə bilər”.

ERAmedia TASS-a istinadən xəbər verir ki, bu sözləri BMT-nin baş katibi Antonio Quterreş deyib.

“Fars körfəzi regionunda atəşkəs daha çox atəşin intensivliyinin azalmasına bənzəyir. Son 48 saat ərzində hücumların və sərt bəyanatların artdığını müşahidə etmişik. Bu nisbi sakitliyin yenidən tammiqyaslı münaqişəyə çevrilə biləcəyi riskini qiymətləndirməməliyik”, – deyə Quterreş vurğulayıb.

Onun sözlərinə görə, regionun bir sıra ölkələrində mülki şəxslər və mülki infrastruktur hücumlara məruz qalıb.

BMT baş katibi, həmçinin qeyd edib ki, Hörmüz boğazı ətrafında gəmiçiliyə tətbiq olunan məhdudiyyətlər qlobal sabitliyə mənfi təsir göstərir, enerji daşıyıcılarının qiymətlərini artırır, təchizat zəncirlərini pozur və xüsusilə inkişaf etməkdə olan ölkələrdə inflyasiya təzyiqini gücləndirir.

“Bütün tərəfləri atəşkəs rejiminə riayət etməyə və uzunmüddətli razılaşmanın əldə olunması üçün səyləri ikiqat artırmağa çağırıram”, – deyə Quterreş əlavə edib.