Xırdalanda 12 yaşlı qız itkin düşüb.

ERAmedia “Qafqazinfo”-ya istinadən xəbər verir ki, bu barədə sosial şəbəkədə məlumat yayılıb.

Uşağın atası bildirib ki, qızı Mələk İmanova noyabrın 2-də saat 19:35 radələrində evdən çıxıb və geri qayıtmayıb.

O, polisə müraciət etdiyini də qeyd edib:

“Həyətdə kameralar var, xalçayuma məntəqəsinin qarşısında da kamera var, amma xahiş etdim göstərmədilər”, – deyə o əlavə edib.

DİN-in Mətbut Xidmətinin əməkdaşı Elbrus İbrahimov “Qafqazinfo”-nun sorğusuna cavab olaraq bildirib ki, şəxs axtarışa elan olunub.

“İtkin düşmə kimi axtarışa elan edilmiş şəxsin yerinin müəyyən olunaraq tapılması istiqamətində polis tərəfindən tədbirlər görülür”, – deyə o əlavə edib.

***