Ukraynanın Korrupsiyaya Qarşı Milli Mübarizə Bürosu (NABU) “Batkivşina” partiyasının lideri, keçmiş baş nazir Yuliya Timoşenkodan korrupsiyada şübhəli bilinir.

ERAmedia bildirir ki, bu barədə Ukraynadakı “Obozrevatel” nəşri məlumat verir.

Nəşr, həmçinin NABU və Xüsusi Korrupsiyaya Qarşı Mübarizə Prokurorluğunun (SAPO) millət vəkili Timoşenkoya və ya “Xalqın Xidmətçisi” partiyasının lideri David Araxamiyaya Ali Radada müsbət səsvermə nəticələri müqabilində digər fraksiyalardan bir neçə millət vəkilinə qanunsuz güzəştlər verməkdə ittiham irəli sürə bilər.

Bu gün, yanvarın 14-də keçmiş baş nazir Yuliya Timoşenkonun “Batkivşina” partiyasının ofisində istintaq tədbirlərinin aparıldığı bildirilib. Bu, NABU və SAPO-nun Ali Rada fraksiyalarından birinin rəhbərinin müəyyən qanun layihələrini dəstəkləmək müqabilində digər millət vəkillərinə rüşvət verməkdə şübhəli bilindiyini ifşa etməsi ilə bağlı son açıqlamadan məlum olur.

Agentliyin məlumatına görə, əvvəllər NABU Ali Rada üzvü Anna Skoroxodun iştirak etdiyi korrupsiya sxemi ilə bağlı müzakirələri əks etdirən gizli kamera qeydini yayımlayıb. Görüntülərdə Skoroxod razılaşdırılmış şərtlər yerinə yetirilənə qədər saxlanılmalı və sonra məhv edilməli olan iki qəbzin tərtib edilməsinin vacibliyindən bəhs edir.

Ural Dəyirmançı