Nərimanov rayonunda, Ziya Bünyadov prospektinin Atatürk prospekti ilə kəsişməsində yük avtomobili yol-nəqliyyat hadisəsi törədib.

Daxili İşlər Nazirliyinin Nəqliyyatı İntellektual İdarəetmə Mərkəzindən ERAmedia – ya verilən məlumata görə, qəza səbəbindən metronun “Koroğlu” stansiyası istiqamətində nəqliyyat vasitələrinin hərəkəti məhdudlaşdırılıb.

Hazırda yük avtomobilinin ərazidən kənarlaşdırılması və nəqliyyatın hərəkətinin bərpa olunması məqsədilə polis əməkdaşları tərəfindən zəruri tədbirlər görülür.