Türkiyə iyul ayında Azərbaycandan 1 milyard 1,31 milyon kubmetr təbii qaz idxal edib.

ERAmedia xəbər verir ki, bu barədə Türkiyənin Enerji Bazarını Tənzimləmə Təşkilatı (EPDK) məlumat yayıb.

Bildirilir ki, iyulda Azərbaycan Türkiyənin ən çox qaz idxal etdiyi ölkələr sırasında birinci yerdə qərarlaşıb. Təbii qaz idxalında Azərbaycanın payı 32,69 faiz təşkil edib. Siyahıda ikinci sırada 948,49 milyon kubmetr (46,57 faiz azalma) ilə Rusiya və üçüncü yerdə 919,33 milyon kubmetr (7,61 faiz artım) ilə İran yer alıb.

İyulda Türkiyənin Azərbaycandan idxal etdiyi qazın həcmi ötən ilin eyni ayına nisbətən 0,29 faiz və ya 448 milyon kubmetr azalıb. Azərbaycan keçən ilin iyulunda Türkiyəyə 1 milyard 4,23 milyon kubmetr qaz ixrac etmişdi.

Cari ilin yanvar-iyul aylarında Türkiyə Azərbaycandan ümumilikdə 6 milyard 493,47 milyon kubmetr təbii qaz idxal edib.

Qeyd edək ki, Türkiyə Azərbaycan təbii qazını Cənubi Qafqaz Boru Kəməri (CQBK) (Bakı-Tbilisi-Ərzurum) və TANAP-la idxal edir. Cənubi Qafqaz Boru Kəməri 2006-cı ilin sonlarında istismara verilib, hazırda Azərbaycan, Gürcüstan və Türkiyəyə “Şahdəniz” təbii qazını çatdırır. CQBKG isə kommersiya qaz həcmlərinin Türkiyəyə təhvil verilməsinə 2018-ci ilin iyununda, Avropaya isə 2020-ci ilin dekabr ayında başlayıb.

2018-ci il iyunun 12-də Əskişəhərdə istifadəyə verilən TANAP qaz kəməri ilə Türkiyəyə ilk qaz həcmlərinin nəqli planlaşdırıldığı kimi həmin il iyunun 30-da başlayıb.