Amerika Birləşmiş Ştatları (ABŞ) etiraz aksiyaları ilə əlaqədar İran rəsmilərinə qarşı yeni sanksiyalar tətbiq etdiyini açıqlayıb.

ERAmedia-nın məlumatına görə, Xəzinədarlıq Departamentinin Xarici Aktivlərə Nəzarət İdarəsi tərəfindən elan olunan sanksiya siyahısında çirkli pulların yuyulmasına qatıldığı, həmçinin “Bank Melli” və “Shahr Bank”la əməkdaşlıq etdiyi deyilən 18 şəxs və şirkətin adı da var. İranın Milli Təhlükəsizlik Ali Şurasının katibinin adı da siyahıya daxil edilib. İran Hüquq-Mühafizə Qüvvələrinin və İnqilab Keşikçilərinin dörd regional komandiri də sanksiyalara məruz qalıb.