Neft qiymətləri Rusiya–Ukrayna münaqişəsinin nizamlanması istiqamətində səylərin irəlilədiyinə dair siqnallar fonunda çərşənbə axşamı da enməyə davam edir.

ERAmedia xəbər verir ki, Londonun ICE Futures birjasında Brent markalı neftin fevral fyuçerslərinin qiyməti bir barel üçün 60,2 dollar təşkil edib. Bu, əvvəlki ticarət gününün bağlanışına nisbətən 0,36 dollar (0,59%) azdır. Bazar ertəsi həmin kontraktlar 0,56 dollar (0,92%) ucuzlaşaraq 60,56 dollar səviyyəsinə düşmüşdü.

Nyu-York Ticarət Birjasının (NYMEX) elektron ticarətində WTI markalı neftin yanvar fyuçersləri isə 0,36 dollar (0,63%) ucuzlaşaraq bir barel üçün 56,46 dollar olub. Əvvəlki sessiyanın yekunlarına görə bu kontraktların qiyməti 0,62 dollar (1,08%) azalaraq 56,82 dollara enib ki, bu da 2021-ci ilin fevral ayından bəri minimum səviyyədir.

Vural