Vladimir Putinlə görüşə gələn ABŞ prezidentinin xüsusi elçisi Stiven Uitkoffun olduğu təyyarə Rusiya hava məkanına daxil olub.

ERAmedia xəbərinə görə, bu barədə TASS-a Latviya üzərindən hava hərəkətinə nəzarət edən Riqa idarəetmə mərkəzindən məlumat verilib.

“Təyyarə Moskva vaxtı ilə saat 21:44-də İGORO keçid məntəqəsi yaxınlığında Latviya hava məkanını tərk edib və Rusiyanın hava hərəkətinə nəzarətə təhvil verilib”, – agentliyin mənbəsi bildirib. Daha əvvəl bildirilib ki, Davosda keçirilən Dünya İqtisadi Forumunda iştirak edən Uitkoffun təyyarəsi Sürixdən havaya qalxıb və Moskvaya istiqamət alıb.

Rusiya prezidentinin mətbuat katibi Dmitri Peskovun sözlərinə görə, Vladimir Putinin Uitkoff və sahibkar, Amerika liderinin kürəkəni Cared Kuşnerlə görüşü Moskva vaxtı ilə axşam saatlarında baş tutacaq.