Amerikalı milyoner – 75 yaşlı iş adamı Erni Dozionu Afrikada ov zamanı fillər tapdalayıb.

ERAmedia-nın xəbərinə görə, bu barədə “Daily Mail” nəşri məlumat verib.

Məlumata görə, Erni Dozio peşəkar ovçu ilə birlikdə sıx tropik meşədə olarkən gözlənilmədən beş ana fil və onların balalarından ibarət sürü ilə qarşılaşıb. Heyvanlar təhlükə hiss edərək onlara hücum ediblər.

Peşəkar ovçu zərbə alıb və silahını itirərək ağır xəsarət alıb. Ov tüfəngi ilə silahlanmış Dozio da özünü müdafiə edə bilməyib və fillər tərəfindən tapdalanıb. O, aldığı xəsarətlərdən ölüb.